لامين يامال نجم برشلونة : حمزة عبد الكريم يستحق ان يكون المهاجم الأساسي لبرشلونه الفترة القادمة
كتبت – شيماء امين :
لامين يامال بعد نهاية ماتش الأهلي و برشلونه في كأس خوان جامبر اللي إنتهت بفوز برشلونه 2-1 لما إتسأل من مراسل صحفى عن رأيه إذا كان الفريق محتاج ل صفقة مهاجم و لا لأ و رأيه عن مستوى حمزة عبدالكريم مهاجم برشلونه اللي سجل هدف في مباراة الأهلي اليوم و قبلها في مباراة بازل السويسري
لامين يامال رده كان رائع جداً وقال ان حمزة عبدالكريم حقيقي لازم يكون فخور بنفسه
حيث وصف حمزة بأنه يستحق يكون المهاجم الأساسي لبرشلونه الفترة القادمة و إن اللاعب ده فاجئه سواء في التمرين أو الماتشات الودية لإنه مكانش يعرفه قبل كده و كل اللي يعرفه كل لاعيبة برشلونه عنه إنه لاعب في فريق الشباب في برشلونه لكن ماحدش توقع إنه يكون مهاجم بيقدم مستوى هو الأفضل في الفريق في آخر فترة و إن لو حتى برشلونه لم يتعاقد مع مهاجم جديد فوجود حمزة مع الفريق في الفترة دي هيكون مفيد جداً
الدعم اللي بيقدمه لامين يامال ل حمزة عبدالكريم سواء في التمرين أو في الماتشات شيء جميل جداً بصراحه و دليل على إنه أكتر لاعب في برشلونه بيدعم أي لاعب كان بيلعب في فريق برشلونه للشباب لإنه هو نفسه من كام سنة كان بيلعب في فريق الشباب في برشلونه ده عشان كده هو عارف إن الفريق ده بيكون فيه لاعبين موهوبين جداً و حمزة واحد منهم
